ევროკავშირი სირიის ოპოზიციის დახმარებას ცდილობს

ევროკავშირი ყველა შესაძლებლობას განიხილავს სირიის ოპოზიციის დახმარების თვალსაზრისით, რათა როგორმე მოხერხდეს პრეზიდენტ ასადის რეჟიმის დამხობა.
ევროსაბჭოს პრეზიდენტის ჰერმან ვან რომპოის განცხადებით, ბაშარ ასადი უნდა გადადგეს, რათა სირიაში ნორმალური პოლიტიკური პროცესი დაიწყოს.
ბრიტანეთის პრემიერ-მინისტრის დევიდ კამერონის განცხადებით, სირიაში სიტუაცია დღითიდღე უარესდება.
ამასობაში რუსეთის საგარეო საქმეთა სამინისტრომ გამოაცხადა, რომ არ შეცვლილა მოსკოვის პოზიცია სირიასთან მიმართებაში, თუმცა მანამდე სამინისტროს ერთ-ერთმა მაღალჩინოსანმა არ გამორიცხა სირიაში ოპოზიციის გამარჯვების შესაძლებლობა.