ბრძოლა ალეპოსთვის

სირიელმა ამბოხებულებმა რამდენიმე შენობაზე განახორციელეს შეტევა ქალაქ ალეპოში. აღნიშნულ ინფორმაციას სირიის ოპოზიცია ავრცელებს. ბრიტანეთში მოქმედი სირიის ადამიანის უფლებათა დაცვის ცენტრის განცხადებით, შეტევისას სამთავრობო არმიის ჯარისკაცები დაიღუპნენ.

ალეპოსთვის ბრძოლა, გასულ თვეს დაიწყო. ალეპო სირიის მთავარი ეკონომიკური ქალაქია. ინტერნეტში გავრცელებულ ვიდეო-მასალებზე, ასევე, ასახულია ბრძოლები ქალაქ ჰომსში, დარააში და დამასკოში.