შეერთებული შტატების სახელმწიფო მდივანი ენტონი ბლინკენი აცხადებს, რომ ირანული წარმოშობის ამერიკელმა ჟურნალისტმა „უდიდესი სიმამაცე გამოიჩინა“. მასიჰ ალინეჯადის გატაცების გეგმა გამოძიების ფედერალურმა ბიურომ გამოავლინა და აღკვეთა.
ბლინკენმა ორშაბათს „ტვიტერზე“ დაწერა, რომ „ამერიკის ხმის“ ირანული რედაქციის ტელეწამყვანთან, რომელიც ირანის მთავრობის ხმამაღალი კრიტიკოსია, „კარგი საუბარი“ ჰქონდა.
Good conversation today with @AlinejadMasih, who has demonstrated tremendous courage. I affirmed that the U.S. will always support the indispensable work of independent journalists around the world. We won’t tolerate efforts to intimidate them or silence their voices.
— Secretary Antony Blinken (@SecBlinken) July 20, 2021
„მე დავადასტურე, რომ შეერთებული შტატები ყოველთვის დაუჭერს მხარს დამოუკიდებელი ჟურნალისტების ფასდაუდებელ მუშაობას მსოფლიოს მასშტაბით“, წერს ამერიკის პირველი დიპლომატი. „ჩვენ არ მოვითმენთ მათი დაშინების ან მათი გაჩუმების მცდელობებს“.
ალინეჯადის განცხადებით, ბლინკენი მას 15 წუთის განმავლობაში ესაუბრა და ხაზი გაუსვა იმას, რომ ის იდეა, რომ ირანი მას შეერთებული შტატების ტერიტორიიდან გაიტაცებდა განსაკუთრებით შოკისმომგვრელია.
THREAD 1-Today, in a 15 minute call, @SecBlinken said he was relieved the Islamic Republic%27s plot to kidnap me was foiled by the FBI. He found the idea that they’d abduct me from the American soil particularly egregious. pic.twitter.com/0NHnQYEHCj
— Masih Alinejad 🏳️ (@AlinejadMasih) July 19, 2021
„სახელმწიფო მდივანმა ბლინკენმა თქვა, რომ ბაიდენის ადმინისტრაცია ისლამური რესპუბლიკისგან მომავალ საფრთხეებს ძალიან, ძალიან სერიოზულად აღიქვამს და იცოდა ის, რომ თეირანის რეჟიმი შეერთებულ შტატებსა და ევროპაში დისიდენტებს მიზანში იღებს“, დაწერა „ტვიტერზე“ ალინეჯადმა