როგორ სჯიან რუსეთში მოღალატეებს?

კრიტიკოსთა აზრით, პუტინის მიერ განახლებული კანონის საფუძველზე, მთავრობას საშუალება ეძლევა მოღალატედ ნებისმიერი ადამიანი აღიაროს.

მიუხედავად იმისა, რომ პუტინმა კანონის გადახედვის პირობა დადო, ოთხშაბათს, ღალატის შესახებ კანონი ძალაში მაინც შევიდა.

ღალატის შესახებ ადრინდელი კანონის მიხედვით, რუსეთში მოღალატეებად ჯაშუშებს ან უცხო ქვეყნებთან თანამშრომლობაში მხილებულ ადამიანებს თვლიდნენ. ახალი კანონის მიხედვით, მოღალატედ შეიძლება ჩაითვალოს ყველა ის, ვინც საერთაშორისო ორგანიზაციასა და სადაზვერვო სააგენტოში მუშაობს.

კანონის მიხედვით, ღალატისთვის სასჯელის მაქსიმალური ზომა ოცწლიანი პატიმრობაა.