ვლადიმირ პუტინმა 9 მაისს დასავლეთი გლობალური კონფლიქტის საშიშროებაზე გააფრთხილა. ყოფილი საბჭოთა კავშირის ნაცისტურ გერმანიაზე გამარჯვების დღეს, რუსეთის პრეზიდენტმა თქვა, რომ არავის მიეცემა უფლება დაემუქროს მსოფლიოს უდიდეს ბირთვულ ძალას.
ასევე ნახეთ: ბრიტანეთი უკრაინას დახმარებას პირდება, "რამდენ ხანსაც ეს საჭირო იქნება"უკრაინის ფრონტზე რუსეთის ჯარები წინ მიიწევენ და დასავლეთის მიერ მხარდაჭერილი უკრაინული ძალების წინააღმდეგ წარმატებას აღწევენ. პუტინმა დაადანაშაულა "ამპარტავანი" დასავლური ელიტა იმაში, რომ მათ დაივიწყეს საბჭოთა კავშირის გადამწყვეტი როლი ნაცისტური გერმანიის დამარცხების საქმეში და დაადანაშაულა ის კონფლიქტების გაღვივებაში მთელი მსოფლიოს მასშტაბით.
"ჩვენ ვიცით, რას იწვევს ამბიციების მსგავსი მოჭარბება. რუსეთი ყველაფერს გააკეთებს, რათა თავიდან აიცილოს გლობალური შეტაკება", - თქვა პუტინმა წითელ მოედანზე გაკეთებულ მიმართვაში და დასძინა: "მაგრამ, ამავდროულად, ჩვენ არავის მივცემთ უფლებას დაგვაშინოს. ჩვენი სტრატეგიული ძალები ყოველთვის საბრძოლო მზადყოფნის მდგომარეობაში არიან". პრეზიდენტის გამოსვლამდე, თავდაცვის მინისტრმა სერგეი შოიგუმ სამხედრო აღლუმი ჩაიბარა, რომელიც მაისისთვის უჩვეულოდ თოვლიანი ქარბუქის ფონზე ჩატარდა.
დასავლეთი, უკრაინასთან და რუსეთის ბევრ მეზობელ სახელმწიფოსთან ერთად, თვლის, რომ პუტინის რუსეთი მიწების დაპყრობის იმპერიული ზრახვებით მოქმედებს და უკრაინას ქვეყნის დასაცავად, შეიარაღებით ეხმარება. ახლა ყირიმის ჩათვლით, მოსკოვი უკრაინის დაახლოებით 18%-ს და საქართველოს $20 პროცენტს აკონტროლებს.
Your browser doesn’t support HTML5
"იარაღის შიმშილი" უკრაინაში და დრონების გაზრდილი როლი