აშშ-ის პრეზიდენტმა ბარაკ ობამამ ალ ყაიდას ლიდერის, ოსამა ბინ ლადენის ლიკვიდაციის წლისთავი ავღანეთში მოულოდნელი ვიზიტით აღნიშნა. ქაბულში მან ავღანელ კოლეგასთან ერთად სტრატეგიული პარტნიორობის ხელშეკრულებას მოაწერა ხელი. ეს ერთის მხრივ ობამას საარჩევნო გზავნილი იყო ამერიკელებისთვის ომის დასრულების თაობაზე. საჰაერო ბაზაზე ჩასულმა ობამამ ჟურნელისტებს განუცხადა, რომ აშშ-მა ათ წელზე მეტია ომის "ბურუსში" იყო მოცული, თუმცა აქვე დაამატა, რომ "ჰორიზონტზე უკვე ჩანს სინათლე".