ოფიციალური პირების ცნობით, წელს ნორვეგიაში და ფინეთში ფრინველის გრიპის სარეკორდო აფეთქებები იყო. დაავადებამ ათასობით თოლია და სხვა სახეობა გაანადგურა, შინაურ საქონელს რისკი შეუქმნა და ზოგიერთ ტერიტორიაზე გადაადგილების შეზღუდვა გამოიწვია.
Avian influenza, რომელსაც ხშირად უბრალოდ ფრინველის (ქათმის) გრიპს უწოდებენ, ბოლო წლებში ევროპაში ტრიალებდა და მაისში და ივნისში, მხოლოდ საფრანგეთის ფერმებში მილიონობით ფრინველის გამოხშირვის მიზეზი გახდა, რაც ფრინველის ხორცის და კვერცხის მიწოდებაზეც აისახა.
ასევე ნახეთ: პანდემიები, რომლებიც ცხოველებიდან ან ფრინველებიდან გავრცელდანორვეგიის არქტიკულ ქალაქ ვადსოს ოფიციალურმა პირებმა თქვეს, რომ მათ 10, 000-ზე მეტი მკვდარი ფრინველი შეაგროვეს. ნორვეგიის სურსათის უსაფრთხოების უწყებამ სამი ბუნებრივი ნაკრძალის ტერიტორიაზე გადაადგილება აკრძალა.
H5N1 ვირუსი წლებია ფრინველებში ვრცელდებოდა, მაგრამ ცალკეულ შემთხვევებში გლობალურად ხდებოდა ამ დაავადების აფეთქება ისეთ ძუძუმწოვრებში, როგორიცაა კატა და წაულა.
მეზობელმა ფინეთმაც გამოაცხადა, რომ გარეული ფრინველები ძლიერი ზემოქმედების ქვეშ აღმოჩნდნენ და H5N1 ვირუსი ბეწვეულის 20 ფერმაში აღმოჩნდა. გასულ კვირაში ვირუსი 12 ფერმაში აღირიცხა.
ამ თვეში გაეროს სამმა სააგენტომ გაფრთხილება გამოთქვა, რომ დაავადების გლობალურად აფეთქებებმა წარმოშვა შეშფოთება იმის შესაძლებლობაზე, რომ ვირუსმა ადაპტაცია განიცადოს და ადამიანების ინფიცირება უფრო ადვილად მოხდეს. გაერომ ქვეყნებს მოუწოდა, დაავადებაზე დაკვირვება გააძლიერონ და ფრინველის ფერმებზე ჰიგიენური პირობები გააუმჯობესონ.
ჯანმოს განცხადებით, ადამიანებისთვის H5N1 რისკი დაბალ დონეზე რჩება. მაგრამ, ძუძუმწოვრებში ინფექციების შესახებ ცნობებს ყურადღებით დაკვირვება და მონიტორინგი სჭირდება.