პარასკევს, გერმანიის თავდაცვის მინისტრმა ბორის პისტორიუსმა თქვა, რომ შესაძლოა ნატოელი მოკავშირეები მზად არიან სამხედრო ალიანსში შესასვლელად, უკრაინას ზოგიერთი დაბრკოლება მოუხსნან. ეს განცხადება ვილნიუსის ნატოს სამიტამდე რამდენიმე კვირით ადრე გაკეთდა.
„არის იმის მზარდი ნიშნები, რომ ამ საკითხზე შეთანხმებას ყველა შეძლებს,“ უთხრა პისტორიუსმა ჟურნალისტებს ბრიუსელში, როდესაც დაუსვეს კითხვა ცნობების შესახებ, რომ აშშ მზადაა უარი თქვას ფორმალურ საკანდიდატო პროცესზე, რაც წარსულში ზოგიერთ სხვა ქვეყანას მოეთხოვებოდა.
ასევე ნახეთ: სტოლტენბერგი- როდესაც 30 მოკავშირე შეთანხმდება, რომ საქართველო და უკრაინა მზად არიან გაწევრიანებისთვის, ეს ასეც მოხდებახუთშაბათს „ვაშინგტონ პოსტმა“ გამოაქვეყნა ცნობა, რომ შეერთებული შტატები იძლევა წინასწარ თანხმობას გეგმაზე, რომლის მიხედვითაც, დადგენილი გრაფიკის მიცემის გარეშე, შესაძლოა უკრაინის ნატოში მიღებას წინაღობები მოეხსნას.
გამოცემა ციტირებს მაღალი თანამდებობის პირს, რომელიც ამბობს, რომ ვაშინგტონი „კომფორტულად გრძნობს თავს“ ნატოს გენერალური მდივნის შეთავაზების თაობაზე, რომლითაც კიევს საშუალება მიეცემა, ალიანსის ე.წ. წევრობის სამოქმედო გეგმას (MAP) გვერდი აუაროს.
პროცესის შემოკლებით, აშშ იმედოვნებს კიევის სამხედრო ალიანსში შესვლის შესახებ წევრ სახელმწიფოებს შორის არსებული უთანხმოებები აღმოფხვრას, იუწყება „ვაშინგტონ პოსტი“.
თუმცა გამოცემის თანახმად, უკრაინას მაინც მოეთხოვება რეფორმების გატარება და ამასთან უკრაინის ალიანსში შესვლის დრო დადგენილი არ იქნება.
2008 წელს, ბუქარესტის სამიტზე, ალიანსმა განაცხადა, რომ უკრაინა და საქართველო, ნატოს წევრები გახდებიან.