15 ივლისიდან, 39 მილიონი ამერიკული ოჯახი სახელმწიფოსგან ყოველთვიურ დახმარებას მიიღებს. ამის შესახებ ხაზინის დეპარტამენტმა განაცხადა.
ოჯახებისთვის ყოველთვიური ფულად დახმარება, პრეზიდენტ ბაიდენის $1.9 ტრილიონი ღირებულების, პანდემიის შემამსუბუქებელი პაკეტის ნაწილია. სწორედ ამ პაკეტის დახმარებით, ბავშვებისთვის განკუთვნილი დახმარება ერთი წლით გახანგრძლივდა და ყოველთვიურ ხასიათს მიიღებს. შედეგად, ამერიკელი ბავშვების თითქმის 88% სახელმწიფოსგან განსაზღვრული რაოდენობის თანხას მიიღებს.
ასევე ნახეთ: აშშ-ში ვაქცინის 274,411,901 დოზაა გამოყენებული„ეს ამერიკელი მშრომელი ოჯახებისადმი მძლავრი გზავნილია, - დამხარება აქ არის!“ - განაცხადა პრეზიდენტმა ჯო ბაიდენმა.
დახმარების პაკეტის მიხედვით, კვალიფიციური ოჯახები, 6 წლამდე ასაკის თითოეულ ბავშვზე თვეში $300 დახმარებას მიიღებენ. 6 დან 17 წლამდე მოზარდების შემთხვევაში, ყოველთვიური დახმარება $250 იქნება.
ახალი ადმინისტრაციის მიერ განხორციელებული ცვლილებებით, წყვილები რომელთა წლიური შემოსავალი $150 000-ზე ნაკლებია, პირდაპირი ჩარიცხვის წესით დახმარებას ყოველი თვის 15 რიცხვში მიიღებენ. 6 წლამდე ასაკის ბავშვების შემთხვევაში, დახმარება წელიწადში $3 600-ს მიაღწევს, 6-დან 17 წლის ასაკამდე მოზარდების შემთხვევაში, ეს თანხა $3000-ია.
ასევე ნახეთ: ბაიდენი: აშშ მსოფლიოსთვის ვაქცინის 80 მილიონ დოზას გაიღებსექსპერტების ნაწილს მიაჩნია, რომ პრეზიდენტ ბაიდენის ამ ნაბიჯმა, ბავშვთა სიღარიბე შესაძლოა საგრძნობლად შეამციროს. ეს დახმარება სახელმწიფოს წელიწადში დაახლოებით 100 მილიარდი დოლარი დაუჯდება.