რუსული სახელმწიფო ტელეკომპანია „არ-ტი“ (RT, ყოფილი „რაშა თუდეი“) ლიეტუვამ ეთერი შეუწყვიტა. ვილნიუსი ამ გადაწყვეტილებას რუსი მედია-მაგნატის, დმიტრი კისილიოვის სანქციების სიაში შეყვანით ხსნის.
მოვლენებს წინ უძღოდა ანალოგიური ნაბიჯი, რომელიც გასულ კვირას ლატვიამ გადადგა. ოფიციალურმა რიგამ მიზეზად დაასახელა ის ფაქტი, რომ „არ-ტი“ რუსეთის პროპაგანდისტულ წყაროს წარმოადგენს და მას კისილიოვი აკონტროლებს.
ასევე ნახეთ: რუსული პროპაგანდისტული არხი RT ლატვიაში დაბლოკეს„არ-ტის" კისილიოვი აკონტროლებს, რომელიც ევროკავშირის მიერ სანქცირებულია 2014 წელს, ყირიმის ანექსიის და უკრაინის სამხრეთ-აღმოსავლეთში მიმდინარე რუსეთის სამხედრო ქმედებების მხარდაჭერისთვის გაწეულ რუსულ პროპაგანდაში ცენტრალური როლის შესრულების გამო" - განაცხადა ლიეტუვას კომუნიკაციების მარეგულირებელმა სამსახურმა.
აკრძალვა მოიცავს „არ-ტის“ ხუთ არხს.
„არ-ტი“ „ავრცელებს კრემლს მხარდამჭერ მასალას“, - განაცხადა მარეგულირებელმა და განმარტა, რომ აკრძალვა საგარეო საქმეთა სამინისტროს რჩევებზე დაყრდნობით მიიღეს.
ასევე ნახეთ: ევროპის ქვეყნებში, რუსეთისა და ჩინეთის დეზინფორმაციას უფრო ხშირად კითხულობენ, ვიდრე დიდი გამოცემების ცნობებსრუსეთის საელჩოს პრესსპიკერმა უარყო, რომ კისილიოვი „არ-ტის“ აკონტროლებს.
„ჩვენ მივიჩნევთ, რომ ეს არამეგობრული გადაწვეტილება ლიეტუვის მთავრობის მხრიდან, კიდევ ერთი ნაბიჯია მათ ბრძოლაში განსხვავებულ მოსაზრებებთან და პრესის თავისუფლებასთან“, - განაცხადა პრესსპიკერმა გამოცემა „ბი-ენ-ეს“-თან საუბარში.
ასევე ნახეთ: რუსეთის ხელშეწყობით ვირუსულად გავრცელებული ვიდეო ცრუობს, თითქოს იტალიას სურს, ბილ გეიტსი დააპატიმრონლიეტუვამ კისილიოვს სახელმწიფო ჯილდო ჩამოართვა, რომელიც მან 1991 წელს ლიეტუვაში საბჭოთა არმიის შეჭრაში მისი როლის გამო მიიღო, რომლის დროსაც 14 ადამიანი დაიღუპა და 702 დაშავდა.