მორიგი ტერაქტი ერაყში

ერაყში მორიგი ტერაქტების შედეგად სულ ცოტა 8 ადამიანი დაიღუპა და 60 დაიჭრა. ქალაქ თარმიაში თვითმკვლელის მიერ მოწყობილი აფეთქების შემდეგ ერაყის არმიის ჯარისკაცებსა და თავდამსხმელებს შორის ატეხილი სროლის შედეგად 3 ჯარისკაცი დაიღუპა.
ქალაქ თუზ ხორმატოში ორი მანქანა ააფეთქეს, რასაც სულ ცოტა 3 ადამიანის სიცოცხლე ემსხვერპლა. კირკუკში მანქანაში დამაგრებული ბომბის აფეთქებამ კიდევ ერთი ადამიანის სიცოცხლე შეიწირა. ეს რაიონები ერაყელი ქურთებით არის დასახლებული, რომლებიც დამოუკიდებელი სახელმწიფოს ჩამოყალიბებისთვის იბრძვიან.
ორშაბათს, შიიტების წინააღმდეგ მიმართული ტერაქტების შედეგად ერაყში 76 ადამიანი დაიღუპა.