სისხლის სამართლის საერთაშორისო სასამართლოს პროკურორმა ორშაბათს განაცხადა, რომ სავარაუდო ომის დანაშაულებების ჩადენისთვის, ისრაელის პრემიერ-მინისტრი ბენიამინ ნეთანიაჰუს, ისრაელის თავდაცვის მინისტრისა და "ჰამასის" სამი ლიდერის დაკავების ორდერი მოითხოვა.
სისხლის სამართლის საერთაშორისო სასამართლოს პროკურორმა კარიმ ხანმა, ღაზაში შვიდთვიანი ომის შემდეგ გამოქვეყნებულ განცხადებაში თქვა, რომ მას აქვს საფუძვლიანი მტკიცებულები იმისთის, რომ ყველას "დაეკისროს სისხლის სამართლის პასუხისმგებლობა", სავარაუდო ომის დანაშაულებებზე და კაცობრიობის წინააღმდეგ ჩადენილ დანაშაულებზე.
ასევე ნახეთ: საფრანგეთში სინაგოგაზე თავდასხმა მოხდამისი თქმით, უკვე მოითხოვა ისრაელის თავდაცვის მინისტრ იოავ გალანტისა და ასევე ქვეყნის პრემიერის, ნეთანიაჰუს დაკავების ორდერები. სწორედ ეს ორი თანამდებობის პირი განსაზღვრავს, ღაზის სექტორში "ჰამასის" წინააღმდეგ, ისრაელის შეტევის სტრატეგიას.
პროკურორმა, ასევე მიოთხოვა "ჰამასის" მეთაურის იაჰია სინვარის, მუჰამედ ალ-მასრის, "ჰამასის" სამხედრო ფრთის მთავარსარდლის და ისმაილ ჰანიეს, "ჰამასის" პოლიტიკური ბიუროს ხელმძღვანელის დაკავების ორდერების გაცემაც.
ახლა წინასწარი დაკავების მოსამართლეთა კოლეგიის გადასაწყვეტია, საკმარისი იქნება თუ არა მტკიცებულებები დაკავების ორდერის გასაცემად. ორდერის გაცემის მიუხედავად, სასამართლოს არ აქვს საშუალება, აღასრულოს დაკავების ორდერით გათვალისწინებული პროცედურა. საერთაშორისო სასამართლოს მიერ წარმოებულ გამოძიებას, ღაზაში მიმდინარე ომის შესახებ, დიდი ხანია ეწინააღმდეგებიან შეერთებული შტატები და ისრაელი.
ისრაელელმა და პალესტინელმა ლიდერებმა უკვე რამდენჯერმე უარყვეს ბრალდებები ომის დანაშაულების ჩადენის შესახებ.
„ახლა, როგორც არასდროს, ჩვენ კოლექტიურად უნდა ვაჩვენოთ, რომ საერთაშორისო ჰუმანიტარული სამართალი, კონფლიქტის დროს ადამიანის ქცევის ფუნდამენტური საფუძველი, ვრცელდება ყველა ინდივიდზე და თანაბრად ვრცელდება იმ სიტუაციებში, რომლებსაც ჩემი ოფისი და სასამართლო მიმართავს“, - თქვა ხანმა.