გერმანია კვლავ მიმზიდველი ადგილია უცხოეთიდან მაღალი განათლების მქონე პირებისთვის, თუმცა მიგრანტები საუბრობენ რასიზმსა და დისკრიმინაციაზე ყოველდღიურ ცხოვრებაში, განაცხადა ოთხშაბათს ეკონომიკური თანამშრომლობისა და განვითარების ორგანიზაციამ (OECD).
ორგანიზაციამ, 2022 წლის აგვისტოდან მოყოლებული 30 000 მაღალკვალიფიციური ადამიანის კარიერას შეისწავლა, რომლებსაც სურდათ გერმანიაში მიგრანტად ჩასვლა და მათი სურვილი ქვეყანაში გადასვლისთვის დროთა განმავლობაში გაიზარდა, შემცირების ნაცვლად, თქვა OECD-მ.
მის გამოკითხვაში მონაწილეთა დაახლოებით 92% საზღვარგარეთ ცხოვრობს და კვლავ დაინტერესებულია გერმანიაში გადასვლით, დასძინა მან.
თუმცა, ადამიანებმა, რომლებიც უკვე გადავიდნენ გერმანიაში საცხოვრებლად განაცხადეს იმაზე მეტი დისკრიმინაციის გამოცდილების შესახებ, ვიდრე ელოდნენ.
ასევე ნახეთ: რა გავლენა ექნება დროებით შრომით მიგრაციას, საქართველოში უმუშევრობის შემცირებაზე?„დისკრიმინაციული გამოცდილება დაფიქსირდა, განსაკუთრებით საცხოვრებლის ძებნისას და საზოგადოებაში“, - თქვა OECD-ის წარმომადგენელმა თომას ლიბიგმა.
რესპონდენტთა ნახევარზე მეტმა, რომლებმაც მოახერხეს გერმანიაში გადასვლა, თქვა, რომ დისკრიმინაციის მიზეზი მათი წარმოშობაა, როდესაც ბინის ან სახლის დაქირავებას ან შეძენას ცდილობენ.
გამოკითხულთა დაახლოებით 37%-მა ასევე აღნიშნა დისკრიმინაციის შემთხვევები რესტორნებში ან მაღაზიებში ვიზიტების დროს.
გერმანიის ეკონომიკა დიდწილად დამოკიდებულია უცხოელ მუშაკებზე, რაც ქვეყნის დასაქმების ფედერალური სააგენტოს ახალმა მონაცემებმა აჩვენა.
ნოემბრის მაჩვენებლებმა აჩვენა, რომ სოციალური უზრუნველყოფის შენატანებზე დაქვემდებარებულ დასაქმებულთა რიცხვი 0.6%-ით გაიზარდა, 35.1 მილიონამდე და ეს ძირითადად განპირობებული იყო ევროკავშირის გარედან ჩასული იმიგრანტებით.