8 აპრილს, უკრაინის სხვადასხვა რეგიონში განხორციელებულმა რუსეთის თავდასხმებმა ხუთი ადამიანის სიცოცხლე იმსხვერპლა, აცხადებენ უკრაინის ოფიციალური პირები.
რეგიონის გუბერნატორმა ივან ფედოროვმა განაცხადა, რომ საჰაერო თავდასხმის შედეგად სამი ადამიანი დაიღუპა და სულ მცირე რვა დაშავდა სამხრეთ ქალაქ ზაპორიჟიეში. დაზიანდა სამრეწველო შენობა, შვიდი საცხოვრებელი კორპუსი, ასევე სამედიცინო და საგანმანათლებლო დაწესებულებები.
ასევე ნახეთ: უკრაინელი ტექნიკოსები ენერგოსისტემის აღდგენაზე მუშაობენხელისუფლებამ განაცხადა, რომ ოთხი მართვადი ბომბი ჩამოვარდა ქალაქ ბილოპილიაში, ჩრდილოეთ სუმის რეგიონში, რის შედეგადაც დაიღუპა ერთი და დაშავდა კიდევ სამი ადამიანი.
უკრაინის პრეზიდენტმა ვოლოდიმირ ზელენსკიმ, თავის ღამის ვიდეომიმართვაში თქვა, რომ თავდასხმა მიზნად ისახავდა 15,000-იანი ქალაქის ცენტრზე შეტევას. მისი თქმით, სამაშველო სამუშაოები საღამომდე გაგრძელდა. სამხარეო ადმინისტრაციის ცნობით, დაზიანებულია მაღაზიები და საკრებულოს შენობა.
ცენტრალური პოლტავას ოლქის გუბერნატორის თქმით კი, რუსეთის თავდასხმას ერთი ადამიანი ემსხვერპლა, 10 დაშავდა და რამდენიმე საცხოვრებელი დაზიანდა. გუბერნატორს არ უთქვამს, კონკრეტულად რომელ რაიონში მოხდა თავდასხმა.