კალიფორნიაში ხანძარი კვლავ მძვინვარებს. მაშველები კი გადარჩენილებსა და დაღუპულებს ეძებენ. ეს შტატის ისტორიაში ყველაზე ძლიერი და გამანადგურებელი ხანძარია. ოფიციალურად, მსხვერპლის რაოდენობამ 48-ს მიაღწია.
სამაშველო ჯგუფები ძაღლების დახმარებითა და "დნმ-ის" სწრაფად ამომცნობი სისტემით მუშაობენ. ქალაქ პარადაიზში ცეცხლმა 7 000-ზე მეტი საცხოვრებელი სახლი გაანადგურა. 200-მდე ადამიანი ჯერაც უგზოუკვლოდაა დაკარგული. ხანძარი კი ქალაქის ჩრდილოეთითა და აღმოსავლეთით აგრძელებს გავრცელებას. ადგილობირვი შერიფის ცნობით, სამშაბათს 7 გარდაცვლილი ადამიანი საკუთარ სახლებში იპოვეს.
ჟურნალისტების კითხვებზე, მოახერხეს თუ არა შესაბამისმა სამსახურებმა მოსახლეობის დორულად ინფორმირება ევაკუაციის შესახებ, შერიფი ამბობს, რომ მათ ყველაფერი გააკეთეს, რაც შესაძლებელი იყო, მას შემდეგ, კი რაც ცეცხლის სრულად ჩაქრობა მოხერხდება, მოკვლევა დაადგენს, რისი გაკეთება შეიძლება სამომავლოდ უკეთესად.