გაერო ბირმას საჰაერო დაბომბვის შეწყვეტისკენ მოუწოდებს

გაერომ და შეერთებული შტატების მთავრობამ ბირმის ხელისუფლებას თხოვეს შეწყვიტოს იმ რაიონების საჰაერო დაბომბვა, სადაც მეამბოხეთა რაზმები მოქმედებენ.
გაეროს და ამერიკის მთავრობის აზრით კაჩინის შტატში ბრძოლების ესკალაცია ბირმაში მიმდინარე რეფორმების პროცესს ემუქრება.
შეერთებული შტატების სახელმწიფო დეპარტამეტის წარმომადგენლის ვიქტორია ნულანდის განცხადებით, ვაშინგტონი შეშფოთებულია ბირმის მთავრობის მიერ ავიაციის გამოყენების ფაქტით.