სირიის უშიშროების ძალებმა ოპოზიციის გამაგრებულ ციტადელს ქალაქ ჰომსს შეუტიეს.
შეტევისას დაიღუპა სულ მცირე 25 კაცი. ოპოზიციის აქტივისტები ამტკიცებენ, რომ სირიის მთავრობა რეპრესიებს მიმართავს იმ ექიმების მიმართ, რომლებიც დახმარებას უწევენ საპროტესტო აქციებში დაშავებულთ. თვითმხილველების თქმით ჰომსის იმ უბენებში, სადაც სუნიტი მუსლიმები ცხოვრობენ ტანკები შეიყვანეს. შეტაკებებს ადგილი ჰქონდა მას შემდეგ, რაც სირიის მთავრობამ მისი ერთგული შეიარაღებული დაჯგუფებები სუნიტებით დასახლებულ რაიონებში განალაგა.