ავღანეთში მსხვერპლია

ავღანეთის დედაქალაქის გარეუბანში ოთხი მშვიდობიანი მოქალაქე მოკლეს. ოფიციალური პირების ცნობით, ისინი სამშაბათს ქაბულიდან ვარდაკის პროვინციაში მგზავრობისას გაიტაცეს. დღეს კი მათი გვამები ტყვიით დაცხრილული იპოვეს.

უკანასკნელი კვირების განმავლობაში ეს უკვე მეორე ინციდენტია, რომელიც ანალოგიური შედეგით დასრულდა. ივლისის მეორე ნახევარში 4 უსაფრთხოების თანამშრომელი მანქანიდან ძალის გამოყენებით გადაიყვანეს, თვის ბოლოს კი ისინი ცეცხლსასროლი იარაღით მკვდარი ნახეს.