ევროკომისიის სარეკომენდაციო გადაწყვეტილების შემდეგ, რომელიც უკრაინის, მოლდოვისა და საქართველოს ევროკავშირის წევრი კანდიდატის სტატუსზე საუბრობდა, ვაშინგტონში დაფუძნებული ჰელსინკის კომისიის ხელმძღვანელებმა რეკომენდაცია გამოსცეს და მიესალმნენ კომისიის ამ ისტორიულ ნაბიჯს.
თუმცა, ისინი ევროპის საბჭოს მოუწოდებენ, რომ წევრობის კანდიდატის სტატუსი სამივე ქვეყანას - უკრაინას, მოლდოვასა და საქართველოს მიანიჭონ. სენატორ ბენ კარდინის, კონგრესმენების როჯერ ვიკერის, სტივ კოენისა და ჯო უილსონის მიმართვაში აღნიშნულია, რომ ყველა ქვეყანას აქვს სუვერენული უფლება საკუთარი ალიანსი აირჩიოს და განსაზღვროს საკუთარი საგარეო პოლიტიკის პრიორიტეტები. ევროკომისიის რეკომენდაცია აჯილდოვებს ორ ქვეყანას - უკრაინასა და მოლდოვას, გამუდმებული ძალისხმევისთვის ამ ტრაექტორიაზე დარჩნენ, თუმცა დასძენს, რომ ქართველმა ხალხმა წლების განმავლობაში დიდი მსხვერპლი გაიღო ევროპული იდენტობის დასამტკიცებლად, და მათი განცხადებით, საქართველომ დაამტკიცა რომ ევროკავშირის გამოწვევას წარმატებით გადალახავს, როცა ეს გზა გამოჩნდება.
მათი განცხადებით, "ევროპელ მეგობრებს მოვუწოდებთ სამივე ქვეყანას მიანიჭონ კანდიდატის სტატუსი. ლიბერალური დემოკრატიისკენ სვლა არასდროს გამორიცხავს პერიოდულ გადაცდომებსა და გადახვევებს, და ყოველთვის გვმართებს ყურადღება, მოქნილი ძალისხმევა და კომპრომისი. გვჯერა, რომ კანდიდატის სტატუსი სამივე ქვეყანას ევროპული სიზმრის ახდენაში დაეხმარება."
ჰელსინკის კომისიის თანათავმჯდომარე ამერიკელი სენატორები დარწმუნებული არიან, რომ სამივესთვის კანდიდატის სტატუსი კარგ შანსს მისცემს თითოეულ მათგანს საზიარო ევროპული მიზნის მიღწევაში.
შეგახსენებთ, რომ ევროპის საბჭო ამ თემაზე გადაწყვეტილებას ბრიუსელში მიმდინარე სამიტზე მიიღებს.