ვაშინგტონში ვიზიტით იმყოფება საქართველოს საგარეო საქმეთა მინისტრი დავით ზალკალიანი. იგი 5 თებერვალს ესტუმრა აშშ-ის დედაქალაქს და 9 თებერვლამდე გაჩერდება აქ.
ვიზიტის პირველ დღეს, დავით ზალკალიანი უკვე შეხვდა სახელმწიფო მდივნის თანაშემწეს უეს მიტჩელს და რამდენიმე გავლენიან სენატორს, მათ შორის რესპუბლიკელ კანონმდებლებს ჯეიმს რიშსა და რონ ჯონსონს. 6 თებერვალს იგი მთელი დღის განმავლობაში ესწრება დაჯგუფება „ისლამური სახელმწიფოს წინააღმდეგ მიმართული გლობალური კოალიციის სხდომას.
7 თებერვლიდან ზალკალიანი გააგრძელებს ვიზიტის ოფიციალურ ნაწილს, მიიღებს მონაწილეობას სახელმწიფო დეპარტამენტსა და კონგრესში დაგეგმილ შეხვედრებში. საქართველოს საგარეო საქმეთა მინისტრი ვიზიტის ბოლო დღეს ათასწლულის გამოწვევის კორპორაციის მოქმედ აღმასრულებელ პირს, სინტია ჰაგერს ხვდება.
Facebook Forum