საერთაშორისო ატომური სააგენტოს ანგარიში

თეთრი სახლის ადმინისტრაცია დაწვრილებით სწავლობს საერთაშორისო ატომური სააგენტოს დასკვნას ირანის ბირთვული პროგრამის შესახებ. ობამას ადმინისტრეციის პრესმდივანმა, ჯეი კარნიმ განაცხადა, რომ მათთვის მოულოდნელი არ იყო ირანის მიერ საერთაშორისო ვალდებულებების დარღვევა.

ვაშინგტონი, ამჟამად, დაწვრილებით ეცნობა ატომური სააგენტოს მონაცემებს. ამასთან, ამერიკა, პარტნიორ ქვეყნებთან ერთად, ირანის ბირთვული პროგრამის განვითარებას ყურადღებით ადევნებს თვალყურს.

საერთაშორისო ატომური სააგენტო იუწყება, რომ ირანმა გააორმაგა ცენტრიფუგების რაოდენობა, რომელიც ურანის გამდიდრებისთვის გამოიყენება. გამდიდრება ირანელთა წმინდა ქალაქის მახლობლად, ე.წ. ფორდოს მიწისქვეშა ობიექტზე მიმდინარეობს.