აჯანყება ვენესუელის ციხეში

ვენესუელის ხელისუფლების განცხადებით, ციხეში მომხდარი აჯანყების შედეგად 50-ზე მეტი ადამიანი დაიღუპა და ათობით დაიჭრა.
ვენესუელის სასჯელაღსრულების მინისტრის ირის ვარელას განცხადებით პატიმრების ამბოხება ციხის ადმინისტრაციის მიერ საკნებში მოწყობილმა ჩხრეკამ გამოიწვია, რომელიც იარაღის ამოღებას ისახავდა მიზნად.
ვენესუელის ციხეებში ამჟამად 50 000 ტუსაღი იხდის სასჯელს. მაშინ, როცა ეს საპატიმროები სამჯერ ნაკლებ ტუსაღზეა გათვლილი.