აშშ-დან ვენესუელის დიპლომატები დაითხოვეს

შეერთებულმა შტატებმა ვენესუელის ორი დიპლომატი ქვეყნიდან დაითხოვა. ეს იყო საპასუხო აქტი, როდესაც გასულ კვირას ვენესუელამ ორი ამერიკელი სამხედრო ატაშე გააძევა.

"ასოშიეთიდ პრესის" ინფორმაციით, ორლანდი ხოსე მონტანეს ოლივარესმა და ვიქტორ კამაკარო მატამ შეერთებული შტატები კვირას დატოვეს.

ვაშინგტონმა უგო ჩავესის გარდაცვალების შემდეგ გამოხატა სურვილი ვენესუელასთან ურთიერთობის აღდგენასთან დაკავშირებით, თუმცა ამ მიმართულებით ჯერჯერობით ნაბიჯები არ გადადგმულა.