მიშელ ობამა ლონდონში ჩავიდა

შეერთებული შტატების პირველი ლედი მიშელ ობამა, ლონდონში ოლიმპიადის საზეიმო ცერემონიალის გახსნამდე, ამერიკელ სპორტსმენებს შეხვდა. მან გაამხნევა სპორტსმენები და მათ ამერიკელების შთაგონება უწოდა.

ლონდონში ცერემონიალს რესპუბლიკელი საპრეზიდენტო კანდიდატი მიტ რომნიც დაესწრო. მიუხედავად იმისა, რომ რომნიმ ბრიტანეთის პრემიერ მინისტრთან საუბარში, ოლიმპიადის უსაფრთხოების საკითხში ეჭვი შეიტანა, მოგვიანებით მან ეს კომენტარი გამოასწორა და ისტორიულ ღონისძიებას წარმატებით ჩატარება უწინასწარმეტყველა.

მიტ რომნი ლონდონიდან ისრაელსა და პოლონეთში გაემგზავრება.