კოლორადოს შტატის პოლიციის განცხადებით, დენვერის გარეუბანში მდებარე ერთერთ კინოთეატრში მომხდარი სროლის დროს 14 ადამიანი დაიღუპა და 50-მდე დაიჭრა.
ხელისუფლების ცნობით, კინოთეატრში ნიღბიანი მამაკაცი შეიჭრა და ცრემლსადენი გაზის ბალონი ისროლა, რის შემდეგაც ქაოტური სროლა დაიწყო. პოლიციამ დამნაშავე დააკავა. მას ავტომატური იარაღი და პისტოლეტი ქონდა.
მომხდართან დაკავშირებით, თეთრმა სახლმა პრეზიდენტ ობამას განცხადება გავრცელა. ბარაკ ობამა აცხადებს, რომ ის და მისი მეუღლე „შოკირებული და დამწუხრებულნი არიან ამ საშინელი ტრაგედიის გამო.“
