სამშაბათი აშშ-ში საპრეზიდენტო არჩევნების პროცესში მნიშვნელოვანი დღეა. რესპუბლიკელი კანდიდატები უკანასკნელ მზადებას გადიან აიოვას შტატში. აიოვას მოსახლეობა კი რესპუბლიკელ კანდიდატთა შორის თავის ფავორიტს აირჩევს. წინასწარი გამოკითხვებით, მასაჩუსეტის შტატის ყოფილი გუბერნატორი მიტ რომნი ლიდერობს სხვა დანარჩენ შვიდ კანდიდატს შორის. მას ფეხდაფეხ ტეხასელი კონგრესმენი რონ პოლი მოსდევს, მესამე ადგილზე კი ყოფილი პენსილვანიელი სენატორი რიკ სანტორუმია.
