ირანის მიერ მხარდაჭერილი შეიარაღებული დაჯგუფება ორშაბათს დაიმუქრა, რომ შურს იძიებს ერაყში და ირანში მისი პოზიციების წინააღმდეგ შეერთებული შტატების მიერ განხორციელებული საჰაერო დარტყმების გამო, რომელმაც სულ ცოტა 25 ადამიანი გაანადგურა.
ქათაებ ჰეზბოლას გაფრთხილება იმ დროს გაჟღერდა, როდესაც ირანის საგარეო საქმეთა მინისტრმა შეერთებული შტატების თავდასხმა დაგმო, როგორც ერაყის სუვერენიტეტის დარღვევა და მას ტერორისტული აქტი უწოდა.
შეერთებული შტატების თავდაცვის მდივანმა მარკ ესპერმა, ჟურნალისტებისთვის კვირას გაკეთებულ კომენტარებში საჰაერო დარტყმების ფაქტი დაადასტურა. მან თქვა, რომ ამერიკულმა ავიაგამანადგურებლებმა დასავლეთ ერაყში ქათაებ ჰეზბოლას სამ სამიზნეზე, აღმოსავლეთ სირიაში კი ორ სამიზნეზე მიიტანეს იერიში.
ესპერმა განმარტა, რომ სამიზნეები იარაღის საწყობები და სამეთაურო და კონტროლის ობიექტები იყო.
