იმ ფონზე, როცა 1 მარტის ბოლო ვადა ახლოვდება, ორი მხარის დელეგატებმა პირობა დადეს, რომ სავაჭრო მოლაპარაკებები მომავალ კვირას ვაშინგტონში გაგრძელდება.
ჩინეთის პრეზიდენტი სი ძინ პინი ამერიკის ხაზინის მდივანს სტივ მნუჩინს და ამერიკის სავაჭრო წარმომადგენელს რობერტ ლაითჰაიზერს პარასკევს პეკინში შეხვდა. ჩინეთის ოფიციალური სააგენტო "ქსინჰუას" ინფორმაციით, ჩინეთის პრეზიდენტს იმედი აქვს, რომ მოლაპარაკებების შემდეგი რაუნდი ორმხრივად სასურველ შედეგებს დადებს.
ამ კვირის მოლაპარაკებები 200 მილიარდის ღირებულების ჩინური საქონლის აშშ-ში იმპორტზე ტარიფების გაზრდას 1 მარტამდე გულისხმობდა.
აშშ-ის პრეზიდენტის დონალდ ტრამპის განცხადებით, "ამერიკის ურთიერთობა ჩინეთთან კარგია და ახლა ჩინეთი მეტად სცემს პატივს ამერიკას, რაც აქამდე ასე არ იყო."
Facebook Forum