უკვე რამდენიმე დღეა მსოფლიო მედია დაჯგუფება "ისლამური სახელმწიფოს" ლიდერის ლიკვიდაციის შესახებ საუბრობს, თუმცა ამ დრომდე არავინ იცის რა ჰქვია ამერიკელ სამხედრო ძაღლს, რომელმაც ალ-ბაღდადი ბუნკერში იპოვა.
როგორც ცნობილი ხდება, სამხედრო ოპერაციაში აქტიურად იყვნენ ჩართულები K9-ძაღლები, რომლებმაც "ისლამური სახელმწიფოს" გაქცეული ლიდერი ბუნკერში იპოვეს. ოფიციალური ვერსიით, სწორედ ამის შემდეგ აიფეთქა თავი დაჯგუფება "ისლამური სახელმწიფოს" ლიდერმა ალ-ბაღდადმათავის სამ შვილთან ერთად.
პრეზიდენტმა ტრამპმა რამდენიმე საათის წინ ამერიკელი სამხედრო ძაღლის ფოტო სოციალურ ქსელში გამოაქვეყნა და გაწეული სამსახურისთვის მადლობა გადაუხადა.
პრეზიდენტმა, ამერიკელი სამხედრო ძაღლების ოპერაციაში წარმატებით მონაწილეობის შესახებ კვირას თეთრ სახლში გამართულ საგანგებო ბრიფინგზეც ისაუბრა.
გმირი ძაღლის შესახებ, ინფორმაცია გაავრცელა პენტაგონმა, სადაც აღნიშნეს, რომ ძაღლი ამ დრომე სირიაში იმყოფება და მისი უსაფრთხოებიდან გამომდინარე, დამატებით დეტალებს ამ ეტაპზე არ გაახმაურებდნენ. პენტაგონში აცხადებენ, რომ ძაღლმა აფეთქების დროს მცირე დაზიანებები მიიღო, თუმცა მისი მკურნალობა გრძელდება.
რამდენიმე საათის წინ, სააგენტო "როიტერმა" დრონით გადაღებული კარები გაავრცელა სადაც ჩანს, რომ შენობა სადაც "ისლამური სახელმწიფოს" ლიდერი იმყოფებოდა, სრულად არის განადგურებული.
ალ-ბაღდადის ნამდვილი სახელი იბრაჰიმ ავად ალ-ბადრია. ის 1971 წელს ქალაქ სამარაში, ბაღდადიდან ჩრდილოეთით, დაიბადა. ბაღდადიმ ე.წ. ისლამური სახელმწიფოს ხალიფატი 2014 წელს დააფუძნა და საკუთარი თავი ხალიფად, მის ხელმძღვანელად გამოაცხადა. ტერორისტულმა დაჯგუფებამ მალევე მოიპოვა კონტროლი სირიის და ერაყის დიდ ნაწილზე. ერთ-ერთ ეტაპზე, ის ერაყის 40 პროცენტს აკონტროლებდა.
2016 წლიდან, ამერიკის შეერთეული შტატები ალ-ბაღდადიზე ინფორმაციის მიმწოდებელს, 25-მილიონიან ჯილდოს პირდებოდა. მსგავსი საფასურის ჯილდო, ვაშინგტონს კიდევ ერთ პირზე აქვს დაწესებული. ეს არის ტერორისტული ორგანიზაცია ალ-ყაიდას ლიდერი, აიმან ალ-ზავაჰირი.
Facebook Forum