ქაბულში ჩაკ ჰაგელის ყოფნის დროს აფეთქება მოხდა

ავღანეთის დედაქალაქში ამერიკის თავდაცვის მდივნის ჩასვლას ორი ძლიერი აფეთქება მოჰყვა, რომლის დროს სულ ცოტა 18 ადამიანი დაიღუპა.
ქაბულში ჩაკ ჰაგელის ყოფნის დროს ავღანეთის თავდაცვის სამინისტროს შენობასთან თვითმკვლელმა ველოსიპედზე დამაგრებული ბომბი ააფეთქა. ამ ტერაქტის დროს 9 ადამიანი დაიღუპა და სულ ცოტა 13 დაიჭრა.
ოფიციალური პირების განცხადებით, ჩაკ ჰაგელი ტერაქტის დროს სხვა ადგილზე იმყოფებოდა, რომელზეც პასუხისმგებლობა თალიბებმა იკისრეს. თალიბთა განცხადებით, ეს აფეთქება პენტაგონის შეფის გაფრთხილებას ისახავდა მიზნად.