კრემლის მტკიცებით, უკრაინის იერიშების შედეგად, რუსეთის ბელგოროდის ოლქში 15 ადამიანი დაიღუპა. რუსეთის ხელისუფლების თქმით, ჩამოგდებული უკრაინული რაკეტის ნაწილი ერთ-ერთ საცხოვრებელ კორპუს შეეჯახა, რასაც ნგრევა მოჰყვა. ნგრევისა და აფეთქების შედეგად კი 15 ადამიანი დაიღუპა.
რუსეთის ხელისუფლების მტკიცებით, უკრაინამ ბელგოროდის ოლქზე ინტენსიური იერიშები მიიტანა, რისთვისაც გამოყენებული იყო ბალისტიკური რაკეტები, "ადლერისა" და „ვამპირის“ მრავალჯერადი გამშვები სარაკეტო სისტემები.
რეგიონის გუბერნატორის მტკიცებით, მანამდე, კვირას, უკრაინული იერიშების შედეგად, რუსეთის ტერიტორიაზე ოთხი ადამიანი დაიღუპა.
ამ დრომდე, ბრალდებებთან დაკავშირებით განცხადება არ გაკეთებულა კიევში. კრემლში კი ამბობენ, რომ ბელგოროდის ოლქზე თავდასხმა ტერორისტული აქტია. რუსეთის თავდაცვის სამინისტრო განმარტავს, რომ თავდასხმისთვის უკრაინამ რუსეთის ტერიტორიისკენ 12 რაკეტა მიმართა.
Facebook Forum