ტიმოშენკოს საქმის განხილვა გადაიდო

უკრაინის სასამართლომ ქვეყნის ყოფილი პრემიერ მინისტრის, იულია ტიმოშენკოს საქმის განხილვა 23 ნოემბრისთვის გადაიტანა.

ტიმოშენკოს, რომელსაც გადასახადების დამალვასა და თანხების გაფლანგვაში ადანაშაულებენ, შიმშილობა აქვს გამოცხადებული.

იულია ტიმოშენკო 7 წლიან სასჯელს იხდის თანამდებობის ბოროტად გამოყენების გამო. ტიმოშენკოს მტკიცებით, მის წინააღმდეგ აღძრული საქმეები პოლიტიკურად არის მოტივირებული: „უბრალოდ, პრეზიდენტ ვიქტორ იანუკოვიჩს პოლიტიკური მეტოქის განადურება სურს."

უკრაინაში ჩატარებული საპარლამენტო არჩევნების გაყალბების გამო იულია ტიმოშენკომ 29 ოქტომბერს შიმშილობა დაიწყო.