მას შემედგ, რაც გავრცელდა ინფორმაცია იმის შესახებ, რომ კორონავირუსი, შესაძლოა, ჰაეროვანო გზითაც ვრცელდებოდეს, ამერიკულ კომპანიებში ახალი შეკითხვა გაჩნდა. როგორ უნდა დიცვან უსაფრთხოების წესები და უზრუნველყონ შესაბამისი გარემო თანამშრომლებისთვის?
დაახლოებით, ორი კვირის წინ, ჯანდაცვის მსოფლიო ორგანიზაციამ მოითხოვა, რომ მეტად ყოფილიყო შესწავლილი ვირუსის ჰაერით გადატანის შესაძლო გზები. ბევრმა ამერიკულმა კომპანიამ ჯანმოს თავდაპირველი მითითებების მიხედვით შეიმუშავა ოფისებში დაბრუნებისა და მუშაობის სტრატეგიაც. თავიდან საუბარი იყო იმაზე, რომ ვირუსს ადამიანის დაიფიცირება შეეძლო მას შემდეგ, რაც ის ჰაერში გამოიყოფოდა და შემდეგ რაიმე ზედაპირზე დაეშვებოდა. ახლა კი შიშობენ, რომ ვირუსი დახველების ან დაცემინებისას გამოყოფილი მცირე წვეთების გაეშეც, შესაძლოა, ჰაერში საათობით ჩერდებოდეს.
კომპანიები ახლა ყურადღებით აკვირდებიან დღეს არსებულ პროტოკოლებს - არის თუ არა საკმარისი მხოლოდ პირბადის ტარება, ზედაპირების დამუშავება და სავენტილაციო სისტემის განახლება. ზოგიერთ კომპანიაში, სადაც მყიდველსა და გამყიდველს შორის შუშის, ან გამჭვირვალე პლასტმასის ბარიერი მოათავსეს, ფიქრობენ კიდევ რის გაკეთება შეუძლიათ იმისთვის, რომ თანამშრომლები დაიცვან.
იმ შემთხვევაში, თუ ვირუსი ჰაერში მართლაც რამდენიმე საათის განმავლობაში ჩერდება, მაშინ, კომპანიებისთვის ბევრად უფრო გართულდება უსაფრთხოების ნორმების დაცვა და პერსონალისა და კლიენტების ჯანმრთელობაზე ზრუნვა.
Facebook Forum