სირიაში ჰეზბოლას წევრები მოკლეს

სირიის სამოქალაქო ომში პრეზიდენტ ბაშარ ალ ასადის მოკავშირედ ლიბანური ჰეზბოლას დაჯგუფება მეტად მოიაზრება, ვიდრე პალესტინური სამხედრო გაერთიანება - ჰამასი, რომელსაც სირიის ლიდერთან ურთიერთობა გაურთულდა.

სამშაბათს გამოქვეყნებულ ცნობებში ნათქვამია, რომ ჰეზბოლას სამხედრო მეთაური და ორი მებრძოლი სირიის ქალაქ ქუსართან მოკლეს. შაბათს, მეამბოხეებმა ჰეზბოლას დაჯგუფების კიდევ სამი წევრი გამოასალმეს სიცოცხლეს.

სირიელი მეამბოხეები ჰეზბოლას დაჯგუფებას პრეზიდენტ ასადის მხარდაჭერაში ადანაშაულებენ. ლიბანურმა დაჯგუფებამ სირიის პრეზიდენტის პოლიტიკური მხარდაჭერა შეინარჩუნა, თუმცა სირიაში სამხედრო ჩართულობაზე უარს აცხადებს.