უკრაინაში ომის 5 თვის განმავლობაში რუსეთი, დაუნდობლად ბომბავს სამოქალაქო ინფრასტრუქტურას, მათ შორის, საცხოვრებელ სახლებს, სკოლებს, საბავშვო ბაღებს და საავადმყოფოებს. კადრზე აღბეჭდილი ადამიანური ტრაგედიები “როიტერის” ფოტოგრაფების რეპორტაჟში.
რუსული სისასტიკის კვალი - ადამიანური ემოციები
1
ეს კადრი უკრაინაში პოლტავას რეგიონში, კრემანჩუკის ერთ-ერთ საავადმყოფოშია გადაღებული. წყვილმა მრავლობითი დაზიანებები მაშინ მიიღო, როდესაც რუსეთმა სავაჭრო ცენტრი დაბომბა. წყვილი საავადმყოფოში ხელჩაკიდული ზის და ერთმანეთს ამხნევებს.
2
ეს კადრი ქალაქ ჩასივ იარშია გადაღებული, დონეცკის რეგიონში, სადაც რუსეთმა საცხოვრებელი კორპუსი დაბომბა. ადგილობრივები სამაშველო სამსახურის მუშაობას ადევნებენ თვალს და ელიან მაშველების პასუხს საკუთარი ოჯახის წევრების შესახებ, რომლებიც ნანგრევებში არიან მოქცეული.
3
ეს შემზარავი ფოტო კოსტიანტინივკაში 9 ივლისს არის გადაღებული რუსული დაბომბვის შემდეგ. კადრში ჩანს 45 წლის ოქსანა კაზალსკა, რომელიც მისი დაბომბვის დროს დაღუპული დედამთილის, 75 წლის ალა სოჩენკოს ცხედართან დგას. საცხოვრებელი სახლის გარეთ კი მისი ქალიშვილი იცდის.
4
85 წლის ზიანიდა კლიმოვას ემოცია “როიტერის” ფოტოგრაფებმა კადრზე 19 ივლისს აღბეჭდეს, მაშინ როცა კრამარტოსკში, რუსმა სამხედროებმა იერიში საცხოვრებელ შენობებზე მიიტანეს. კლიმოვა რუსულ იერიშს გადაურჩა თუმცა უსახლკაროდ დარჩა.
Facebook Forum