პაკისტანში დაპირისპირება მოხდა

პაკისტანის ჩრდილო-დასავლეთში მდებარე ვაზისტანის რაიონში მეამბოხეებთან ბრძოლის დროს 8 ჯარისკაცი დაიღუპა და 6 დაიჭრა.

პაკისტანის ხელისუფლების განცხადებით შეტაკებისას 10 მეამბოხე გაანადგურეს. თავის მხრივ თალიბები ამტკიცებენ, რომ სამხედრო საგუშაგოზე თავდასხმისას 12 ჯარისკაცი მოკლეს. აღნიშნული ინფორმაციის გადამოწმება შეუძლებელია, რადგან ჟურნალისტებს აკრძალული აქვთ ამ რეგიონში შესვლა.

შეტაკება მოხდა ვაზირისტანის მეზობლად მდებარე ბაჯაურის რაიონშიც, რომლის დროსაც დაიღუპა 3 ჯარისკაცი და 6 მეამბოხე.