პაკისტანის ოფიციალური პირების ინფორმაციით, სამხედრო ფორმაში გადაცმულმა პირებმა ავტობუსების კოლონა გააჩერეს და ცეცხლი გაუხსნეს, რის შედეგადაც 18 შიიტი მგზავრი დაიღუპა. პოლიციის ინფორმაციით, თავდამსხმელები თავდაპირველად ავტობუსებში ავიდნენ, მგზავრების პირადობის მოწმობები შეამოწმეს და მხოლო ამის შემდეგ გახსნეს ცეცხლი. სააგენტო „ასოშეიტედ პრესის“ ცნობით, მომხდარზე პასუხისმგებლობა პაკისტანურმა თალიბანმა აიღო, რომელიც სუნიტური ექსტრემისტული დაჯგუფებაა.
