ბრენანი კონგრესმენების შეკითხვებს უპასუხებს

ცენტრალური დაზვერვის სააგენტოს უფროსის პოსტზე პრეზიდენტ ობამას მიერ დასახელებულ ჯონ ბრენანს კონგრესში დრონების საკითხთან დაკავშირებულ შეკითხვებზე პასუხების გაცემა მოუწევს.

ვიდრე სენატორები პრეზიდენტ ობამას კანდიდატურას პოსტზე დაამტკიცებენ, ჯონ ბრენანმა კანონმდებლების კითხვებს უნდა უპასუხოს.

ბრენანი ცენტრალური დაზვერვის სააგენტოში თეთრ სახლში პოსტის დაკავებამდე მუშაობდა. მან მნიშვნელოვანი როლი შეასრულა საუდი არაბეთის ლიდერებსა და შეერთებული შტატებს შორის შეთანხმებაზე, რომელიც ტერორისტების წინააღმდეგ დრონების გამოყენებას ეხება.