ჩრდილოეთ კორეის მუქარა

ოფიციალური ფხენიანის წარმომადგენელმა საინფორმაციო სააგენტომ საგარეო საქმეთა სამინისტროს განცხადება გაავრცელა, სადაც აღნიშნა, რომ იაპონია ფატალურ შეცდომას დაუშვებს თუ ჩათვლის, რომ კორეის ნახევარკუნძულზე ომის გაჩაღება მის უსაფრთხოებას საფრთხეს არ შეუქმნის.

განცხადებაში, ჩრდილოეთ კორეის საგარეო საქმეთა სამინისტრო იაპონელებს აფრთხილებს, რომ ამერიკის შეერთებულ შტატებთან გარიგებაში შესვლის საპასუხოდ სამაგალითოდ დაისჯება.

შეგახსენებთ, რომ ამერიკელი პრეზიდენტის მრჩეველმა ეროვნული უშიშროების საკითხებში ტომ დანილონმა რამდენიმე დღის წინ განაცხადა, რომ ვაშინგტონი მზად იქნება ფხენიანთან ჭეშმარიტი მოლაპარაკებები აწარმოოს თუ ეს უკანასკნელი მოქმედებას შეცვლის.