ნატოს ოპერაციას ჰამიდ კარზაის ბიძაშვილი შეეწირა

ავღანეთის ოფიციალური პირების განცხადებით, ნატოს ძალებმა ოპერაციის დროს შემთხვევით მოკლეს ავღანეთის პრეზიდენტის ჰამიდ კარზაის ბიძაშვილი. ინციდენტი სამხრეთ ავღანეთში მოხდა. ავღანეთის ხელისუფლების წარმომადგენელთა განცხადებით, მათ უკვე დაიწყეს მისი გამოძიება. შემთხვევა მას შემდეგ მოხდა, რაც პრეზიდენტმა ჰამიდ კარზაიმ განაცხადა, რომ ნატოს ძალების მიერ დაშვებული შეცდომების გამო მშვიდობიანი მოქალაქეების მსხვერპლი „მიუღებელი და დაუშვებელია.“