მალიში სიტუაცია დაიძაბა

მალის ჯარისკაცებმა ისლამისტ მეამბოხეებს ცეცხლი გაუხსნეს, რომლებსაც მთავრობის მიერ კონტროლირებად ქვეყნის სამხრეთ ტერიტორიაზე შეღწევა სურდათ.

სამხედროების განცხადებით, ჯარისკაცებმა გამაფრთხილებელი გასროლა მოახდინეს, რის შემდეგაც მეამბოხეებმა უკან დაიხიეს.

სპეციალისტთა განცხადებით, მალიში შესაძლოა ახალი შეტაკებები განმეორდეს. მალის ისლამისტები ქვეყნის ჩრდილოეთ ნაწილს აკონტროლებენ, მთავრობა ცდილობს ამბოხებულებთან სამშვიდობო მოლაპარაკებები აწარმოოს და ამ მიზნით ხუთშაბათს ბურკინა ფასოში მხარეები ერთმანეთს შეხვდებიან.