მალის ქალაქ გაოში ბრძოლები გრძელდება

მალის ქალაქ გაოში გააფთრებული ბრძოლები მიმდინარეობს საფრანგეთის, მალის და დასავლეთ აფრიკის ჯარებსა და ისლამისტებს შორის.
მალის თავდაცვის მინისტრის განცხადებით, ისლამისტები ქალაქს შუაღამისას დაეცნენ თავს. საფრანგეთის მედიის ინფორმაციით გაოს სასამართლოს შენობა ხანძარმა გაანადგურა.
საფრანგეთის ჯარებმა მალის არმიასთან ერთად ქალაქი გაო იანვარში გაათავისუფლა, თუმცა წინააღმდეგობის კერების ბოლომდე აღმოფხვრა ვერ შეძლო.
დღესვე ქალაქ კიდალის მახლობლად მანქანაში დამაგრებული ბომბის აფეთქების შედეგად ორი ადამიანი დაიჭრა.