ტეხასის შტატში უპრეცედენტო წყალდიდობა მძვინვარებს. განსაკუთრებით რთული მდგომარეობაა ქალაქ ჰიუსტონში, სადაც ქალაქის მერმა მაცხოვრებლებს მოუწოდა ყველაფერი გააკეთონ ტროპიკულ შტორმ ჰარვის შედეგად ადამიანური დანაკარგის შესამცირებლად.
"თუ ჩვენ სიმშვიდეს შევინარჩუნებთ და მაქსიმუმს გავაკეთებთ პირადი უსაფრთხოებისთვის, მსხვერპლს შევამცირებთ, ქალაქსაც დავიცავთ და ნორმალურ პირობებს შევინარჩუნებთ."
ამინდის ეროვნულმა სამსახურმა ჰიუსტონში მოვარდნილ წყალდიდობას რეგიონში "უპრეცედენტო, სიცოცხლისთვის შეუთავსებელი და კატასტროფული უწოდა" და დასძინა, რომ შესაძლოა ეს სიტუაცია მომავალ კვირასაც გაგრძელდეს.
წყალდიდობასა და ტორნადოს სამხრეთ-აღმოსავლეთ ტეხასში შაბათ-კვირას სულ ცოტა ორი ადამიანი ემსხვერპლა.
ცოტა ხნის წინ ცნობილი გახდა, რომ ჰიუსტონში მომავალ სამშაბათს პრეზიდენტი ტრამპი ჩავა.
Facebook Forum