შეერთებული შტატების სურსათის და მედიკამენტების ადმინისტრაციამ (FDA) დღეს სრულად დაამტკიცა "ფაიზერ-ბიონტექის" კოვიდ-19-ის ვაქცინა. მიმდინარე პანდემიის გამო, ის აქამდე მხოლოდ საგანგებო გამოყენების ავტორიზაციის აქტის საფუძველზე იყო დამტკიცებული.
პირველად ავტორიზაცია "ფაიზერის" კოვიდ-19-ის ვაქცინაზე 2020 წლის დეკემბრის შუა რიცხვებში გაიცა. ის 16 წლის ზევით ასაკობრივ ჯგუფში დამტკიცდა. შემდეგ, FDA-მ ამ წლის მაისში ვაქცინის გამოყენება 12 წლის ზევით მოზარდებისთვისაც დაამტკიცა.
ამერიკულ ფარმაცევტულ კომპანია "ფაიზერში" წარმოებული კოვიდ-19-ის ვაქცინის გამოყენება, რომელიც გერმანულ "ბიონტექთან" ერთად შეიქმნა, დღეიდან 16 წლის ზევით ასაკის ამერიკელებში სრულადაა ავტორიზებული. განცხადება შეერთებული შტატების სურსათის და მედიკამენტების ადმინისტრაციამ სულ რამდენიმე წუთის წინ გაავრცელა.
საეტაპო მნიშვნელობის მოვლენა
“კოვიდ-19-ის პანდემიასთან მიმდინარე ბრძოლის ფონზე, FDA-ის მიერ ამ ვაქცინის დამტკიცება საეტაპო მნიშვნელობის მოვლენაა. ვიდრე ეს და სხვა ვაქცინები საგანგებო გამოყენების ავტორიზაციისთვის FDA-ის მკაცრ სამეცნიერო სტანდარტებს აკმაყოფილებენ, საზოგადოებას შეუძლია ძალიან მტკიცედ იყოს დარწმუნებული იმაში, რომ როგორც პირველი FDA-ის მიერ დამტკიცებული კოვიდ-19-ის ვაქცინა, ის აკმაყოფილებს უსაფრთხოების, ეფექტურობის და წარმოების ხარისხის სტანდარტებს, რომელთაც FDA დამტკიცებული პროდუქტისგან მოითხოვს“ - განაცხადა ექიმმა ჯანეტ ვუდსტოკმა, აშშ-ის სურსათის და მედიკამენტების ადმინისტრაციის კომისრის მოვალეობის შემსრულებელმა.
ვუდსტოკის თქმით, ადმინისტრაცია ასევე აცნობიერებს იმ ფაქტს, რომ „მილიონობით ადამიანის მიერ კოვიდ-19-ის ვაქცინის უსაფრთხოდ მიღების მუხედავად, FDA-ის დამტკიცებას ახლა შესაძლოა აცრის თაობაზე გადაწყვეტილების მიღებაში დამატებითი თავდაჯერება მოჰყვეს. „დღევანდელი საეტაპო მნიშვნელობის მოვლენა ერთი ნაბიჯით გვაახლოებს შეერთებულ შტატებში პანდემიის კურსში გარდატეხის შეტანასთან“ - აცხადებს ჯანეტ ვუდსტოკი.
Facebook Forum