ევროკომისიის ახალი ანგარიში

ევროკავშირი აცხადებს, რომ ალბანეთი, მაკედონია და მონტენეგრო ევროკავშირის წევრობისთვის მზადაა, მაშინ როდესაც სერბეთს, კოსოვოს და ბოსნია-ჰერცეგოვინას რეფორმების მხრივ მეტი პროგრესი სჭირდება.

ოთხშაბათს ევროკომისიამ გამოსცა ყოველწლიური ანგარიში, რომელშიც უახლოეს მომავალში კავშირში შესვლის მსურველთა ეკონომიკური, დიპლომატიური და პოლიტიკური სიტუაციაა განხილული.

ანგარიშის მიხედვით, ალბანეთს, მაკედონიას და მონტენეგროს რეფორმების თვალსაზრისით წინსვლა აღენიშნებათ, თუმცა, მონტენეგროს კანონის უზენაესობის სფეროში მდგომარეობის გაუმჯობესება ევალება.