ჩინურ-იაპონური დავა

ჩინეთის სამეთვალყურეო გემებმა უკვე დატოვეს იაპონიის მიერ კონტროლირებადი ტერიტორიული წყლები, მას შემდეგ რაც საპატრულო ოპერაცია განახორციელეს სადავო კუნძულის გარშემო.

იაპონიის სანაპირო დაცვის ცნობით, გემებმა ტერიტორია მას შემდეგ დატოვეს, რაც ორივე მხარემ გამაფრთხილებელი განცხადებები გაცვალა. იაპონიამ საგანგებო ძალების მობილიზება მოახდინა და ჩინეთის ელჩი საპასუხო ნაბიჯების შესახებ გააფრთხილა. ჩინეთის საგარეო საქმეთა მინისტრმა, ჰონგ ლიმ გემების მანევრს სამართლიანი უწოდა. მან ასევე ბრალი დასდო იაპონიას დაძაბულობის ესკალაციაში.

ორ ქვეყანას შორის ურთიერთობა სადავო კუნძულის - სენკაკუს გარშემო დავამ გამოიწვია.