ეგვიპტეში, მოსახლეობამ ავტოკრატ ჰოსნი მუბარაქს გადადგომა აიძულა. ტუნისში ხალხის ხმამ მმართველობის შეცვლაზე იმოქმედა. ლიბიაში კადაფი ხელისუფლების სათავეში რჩება, თუმცა ამბოხება ღიად გრძელდება და ნატოს ძალები ტრიპოლის რეჟიმის წინააღმდეგ იბრძვიან. ჩინეთში კი ხელისუფლებამ ძალით ჩაახშო ჩრდილოეთ აფრიკასა და ახლო აღმოსავლეთში მომხდარი მოვლენების ზეგავლენით დაწყებული არეულობა-ნათქვამია ანგარიშში.
დოკუმენტში ნათქვამია, რომ სოციალური მედია ჩრდილოეთ აფრიკასა და ახლო აღმოსავლეთის რეგიონში მომხდარი ცვლილებების კატალიზატორი გახდა.