საიმიგრაციო დარღვევებისათვის ამერიკული კომპანია დააჯარიმეს

კომპანია ჰოვარდ ინდუსტრიმ თავი დამნაშავედ სცნო ასეულობით არალეგალური იმიგრანტის მის ქარხანაში სამუშაო უზრუნველყოფისათვის. საქმე 2008 წელს გაიხსნა, რასაც მოჰყვა ასეულობით არალეგალური ემიგრანტის დაპატიმრება. კომპანია დათანხმდა 2.5 მილიონი დოლარი გადაიხადოს. მას ბრალად ედება შეთქმულაბა ქვეყნის საიმიგრაციო კანონონების დარღვევის მიზნით. პროკურატურის განცხადების თანახმად კომპანიამ ფაქტობრივად სამუშაო ადგილები წაართვა ამერიკელ მოქალაქეებს იმით, რომ აიყვანა ემიგრანტები, რომლებსაც ქვეყანაში მუშაობის უფლება არა აქვთ. დღეს ამერიკაში 12 მილიონი არალეგალი იმიგრანტი ცხოვრობს.