საბერძნეთის ოფიციალური პირების და ქვეყნის კერძო ინვესტორების განცხადებით, ისინი ახლოს არიან შეთანხმებასთან, რამაც საბერძნეთი გაკოტრებას უნდა გადაარჩინოს. ხელისუფლებასა და ინვესტორებს შორის მოლაპრაკებები ათენში გაიმართა, რომელშიც საბერძნეთის პრემიერ-მინისტრი ლუკას პაპადემოსი, ფინანსთა მინისტრი ევანგელოს ვენიზელოსი და საერთაშორისო ფინანსური ინსტიტუტის წარმომადგენლები მონაწილეობდნენ. საბერძნეთის ფინანსთა მინისტრის განცხადებით, საბერძნეთისთვის ახალი ფინანსური პაკეტის გამოყოფა მომავალ კვირას გადაწყდება.
