სეულს ახალი ეპოქის იმედი აქვს

სამხრეთ კორეის პრეზიდენტმა ლი მუნგ ბეკმა ორი კორეის ურთიერთობაში ახალი ეპოქის დაწყების იმედი გამოთქვა, თუკი ამას ჩრდილოეთ კორეა მოისურვებს. ამის შესახებ პრეზიდენტმა ბეკმა საახალწლო სატელევიზიო ეთერში განაცხადა. მისი ეს იმედი ჩრდილოეთ კორეის სათავეში ახალგაზრდა ლიდერის კიმ ჩენ ინის მოსვლას ემყარება, რომელმაც პარტიის და არმიის ხელმძღვანელის პოსტი მამამისის - კიმ ჩენ ირის გარდაცვალების შემდეგ დაიკავა. თუმცა, პრეზიდენტმა ბეკმა დასძინა, რომ პროვოკაციების შემთხვევაში სამხრეთ კორეა მკაცრად იმოქმედებს.